Sawrkar tha hi engtia neih tur nge?

Sawrkar tha (Good governance) hi thil thar a ni lo. Hnam zawng zawngin an mamawh leh duh vek a ni. ‘Good governance’ lo lar takna chhan pawimawh tak chu World Bank leh IMF-ten developing countries-ah tanpuina leh loan an pek dawnin an ‘ram rorelna a tha tawk tur a ni’ an ti tlat, chuvangin Ramrorelna Tha (Good governance) hi tehfung pawimawh takah an hmang avangin alo lar thar ta a ni. Ram development nen a kal dun tlat avangin ‘good governance’ hi development literature-ah a lang tam ta em em a ni. A tir lamah chuan, ‘efficiency of the market and the government’ tih ang deuh maia hman ani thin a, tunah erawh chuan ‘good governance’ hian alo huap zau ta hle a ni.

Read More...

Sawrkar tha hnuaia mipui mawhphurhna

Sawrkar tha siam tura mipui, kohhran leh thuneitute mawhphurhna sawina hun niawm takah Sawrkar tha hnuaia mipuite, kohhran leh thuneitute mawhphurhna kan sawi dawn a ni a. Sawrkar tha kan nei ta emaw tih mai pawh a awl rum rum mai! Tun dinhmunah chuan sorkar tha kan neih leh neih loh hi keimahah a la chian chiah loh avangin sorkar tha siam tura mawhphurhna lamin ka rilru a luah mah mah a ni. Kan thupui hi a zau hle mai a; paper pathuma thena ziak tham niin ka hria. Thiam tawk loh leh hun neih tawk loh avangin ka thu ziak hi a phuai hle tih ka hria a. Mawhphurhna hlen ve ngei duhna avangin ka han ziak ve ta mai a ni. Mi puitling chin ngaihthlak tur ani tih hriain, in mi hriatthiam theihna beiseiin huaisen ka han chhuah ve a ni e
1. Mipui te mawhphurhna:
1:1.Hmanlai ata tawh hla phuah thiamte leh thuhriltute, mifingte leh zawlneite’n khawtlang nunhona duhthusam, danin a phut vang ni lo, hmangaihna avang zawka mitinin thil dik leh tha an tih dial dialna hi an lo suangtuah fo tawh thin a. Tuna ka hriat theih chinah chuan he duhthusam thleng tep awm chhun chu Lushai te hi an ni,” tiin Rev David Kyles-a chuan kum 1944 khan Mizote a hmuh dan a lo ziak a. Danin a phut vang ni lova, hmangaihna avang zawka mitinin thil dik leh tha an tih dial dialna Mizo society chu khawiah nge?

Read More...